Silsila Imtihaan Ka Chalta Rahta Hai..........

Tere Aany ki phr raah takta raha
Saamny aainy k main betha raha

Wo humain hum unhain aazmaty rahy
Silsila imtehanon ka chalta raha

Tham gye hum kabi
or kabhi chal pary
Zindagi ka safar yonhi kat'ta raha

Meri ankhon se anso jo behne lgy
Dard se dil ksi ka tarapta raha

Mujh me reh kr wo mujhko dagha de gya
Khoon me zehr dheere se ghulta raha

Wo mujhe dhondta hi raha hr jgah
Us k qadmon taly main bikharta raha

Kal salman ko pehchaan paya na wo
Muddaton ban k uska jo saya raha