Us Ne Kaha K Ishq Ka Nasha Utar Gya
Main Ne Kaha Husn B Tum Se Mukar Gya

Us Ne Kaha K Tujh Ko Dilani Hain Chooriyan
Main Ne Kaha K Ab Wo Zamana Guzar Gya

Us Ne Kaha K Kya Hoi Kajal Ki Dhaar Si
Main Ne Kaha K Aankh Se Darya Guzar Gya

Us Ne Kaha K Ye Teri Chiryoon Se Dosti
Main Ne Kaha K Dil Mera Dunia Se Bhar Gya

Us Ne Kaha K Kya Mila Sab Se Bigaar K
Main Ne Kaha K Waqt To Acha Guzar Gya

Us Ne Kaha K Khwab Me Aany Ka Waqt Do
Main Ne Kaha K Neend Ka Mosam Guzar Gya

Us Ne Kaha K Wo Tere Soraj Ka Kya Bana
Main Ne Kaha K Wo Mere Dil Me Utar Gya

Us Ne Kaha K Wo Nahi Dy ga Tumhara Sath
Main Ne Kaha Ke Wo Chalo Wada To Kr Gya

Akhir Ko Tang Aa k Kahi Us Ne Itni Baat
Wo Tum Kahan Gai Wo Zamana Kidhar Gya